អ្នកសំអាត

បម្រើការងារនៅការិយាល័យកណ្តាល និងត្រូវទទួលខុសត្រូវអនុវត្តការងារសំអាត ប្រកបដោយអនាម័យខ្ពស់ មានផាសុខភាព និងធានាអនុវត្តបានត្រឹមត្រូវតាមគោលការណ៍ និងនីតិវិធីក្នុងតួនាទីការងារ ។

កិច្ចការចម្បងៗ និងការទទួលខុសត្រូវ

• សំអាតបរិវេណក្នុង-ក្រៅការិយាល័យ បន្ទប់ទឹក ចង្រ្កានបាយ ចំណតយានយន្ត និងឧបករណ៍-សម្ភារឱ្យមានរបៀបរៀបរយ អនាម័យ និងសោភ័ណភាពជានិច្ច ។
• រៀបចំឱ្យមានគ្រប់គ្រាន់ ព្រមទាំងត្រួតពិនិត្យជាប្រចាំនូវកន្រ្តក់ ឬធុងសំរាមតាមតុធ្វើការ និងរៀបចំឱ្យមានគ្រប់គ្រាន់នូវសម្ភារប្រើប្រាស់ក្នុងបន្ទប់ទឹក / បង្គន់ ធានាមិនឱ្យមានក្លិនអាក្រក់កើតឡើង ។
• រៀបចំផ្តល់ភេសជ្ជៈ (ទឹកក្តៅ-ត្រជាក់) សម្រាប់ភ្ញៀវ និងនិយោជិតឱ្យបានគ្រប់គ្រាន់ និងមានអនាម័យ ។
• បោកគក់សំអាតវាំងនន កម្រាលតុ កន្សែងជូតដៃ និងរបស់របរផ្សេងៗទៀតឱ្យបានស្អាតជាប្រចាំ ។
• ចូលរួមសន្សំសំចៃលើការប្រើប្រាស់ថាមពលអគ្គិសនី និងទឹក នៅក្នុងបរិវេណ អគារការិយាល័យ និងបន្ទប់ទឹកទាំងអស់ របស់ធនាគារ ។
• រាយការណ៍ជូនអ្នកគ្រប់គ្រង អំពីការមិនចូលរួមថែរក្សាអនាម័យរបស់បុគ្គលិកក្នុងបរិវេណការិយាល័យធនាគារ ។
• ធ្វើការងារផ្សេងទៀត តាមការចាត់តាំងរបស់អ្នកគ្រប់គ្រង។

លក្ខណសម្បត្តិ និងបទពិសោធន៏

• យ៉ាងតិចមានសញ្ញាបត្របឋមភូមិ (សញ្ញាបត្រថ្នាក់ទី ៩ -ជាប់ឌីប្លូម ) ។
• ជានីតិជន ដែលមានសញ្ជាតិជាខ្មែរ និងចេះអាន សរសេរ ភាសាខ្មែរបានល្អ ។ ចេះភាសាអង់គ្លេស ត្រូវបានលើកទឹកចិត្ត ។
• មានភាពស្មោះត្រង់ សុចរិតភាព អត់ធ្មត់ និងសកម្មលើការងារ ។ មានបទពិសោធន៍ពាក់ព័ន្ធនឹងអនាម័យ ត្រូវបានផ្តល់អាទិភាព
• មានលក្ខណៈសម្បត្តិក្នុងការប្រាស្រ័យទាក់ទងល្អ រួសរាយ រាក់ទាក់ និងមានឥរិយាបថចេះបម្រើអតិថិជន ។
• អាចលះបង់នូវពេលវេលាផ្ទាល់ខ្លួន ដើម្បីទទួលនូវការបម្រើជូនធនាគារ និងអតិថិជនបានល្អ ។
• មានស្មារតីទទួលខុសត្រូវខ្ពស់ក្នុងការងារ ក៏ដូចជាលក្ខខណ្ឌការងាររបស់ធនាគារ ។

Download Job Announcement

អ្នកសំអាត

របៀបដាក់ពាក្យ៖

បេក្ខជនដែលមានចំណាប់អារម្មណ៍ សូមអញ្ជើញផ្ញើប្រវត្តិរូបសង្ខេប (មានបិទរូបថត) ជាមួយលិខិតអមជាភាសាខ្មែរ/អង់គ្លេសមកធនាគារតាមរយៈអុីម៉ែល: hr@ftbbank.com ឬការិយាល័យកណ្តាល ស្ថិតនៅអគារលេខ ៣៣ C-D ផ្លូវលេខ ១៦៩ សង្កាត់វាលវង់ ខណ្ឌ ៧មករា រាជធានីភ្នំពេញ ឬតាមសាខាណាមួយ របស់ធនាគារពាណិជ្ជកម្មក្រៅប្រទេស នៃកម្ពុជា ។ មានតែបេក្ខជនដែលមានលក្ខណៈសម្បត្តិគ្រប់គ្រាន់នឹងត្រូវបានជាប់ក្នុងបញ្ជីសម្រាំង និងត្រូវបានទូរស័ព្ទអញ្ជើញឲ្យមកចូលសម្ភាសន៍ ។
ព័ត៌មានបន្ថែមសូមទំនាក់ទំនងមកកាន់លេខទូរស័ព្ទ: ០៨១ ៦៦៦ ៥៩៧ / ០៨១ ៦៦៦ ៥៣៥

Please visit our website: https://www.ftbbank.com/careers